Jita al Garda ai 8 de jené 2005

De 13 son muec dala 7 daduman da Urtijëi per ji al lech de Garda a usservé i uciei, dantaldut chëi che se tën su tl ega ntan l inviern. L fova bel tëmp y sun l ëur dl lech a Torbole fove drët bel zenza duta tla jënt ie da udëi de sajon. Uni sort de auces fovel tl lech nsci nce na pitla grupa de Schellenten y uni tant udoven vel Zwergtaucher. Son pona jic n toc do l ruf Sarca (foto dessot), ilò fovel ënghe na drëta vivanda de uciei. L fova Reiherenten, Zwergtaucher y Haubentaucher y n 2-3 cent de Silbermöwen. Nteressant ie nce stat a udëi n valgun fuschëc dala cazina (Mönchsgrasmücken) che zënza ie d'inviern ti luech plu ciauc.

Do che se on maià zeche sun n banch dlaongia l lech sons furnei mo a Riva, ilò ons usservà 6 Schwarzhalstaucher y te n prà dlongia l lech ons udù na Rostgans che deguni sa da spieghé si prejenza, ajache chësta se ten su dut l ann te Israel, Iraq y Iran. 

À unì dl viers de cësa sons mo cherdei al lech de Cavedine y de Toblino. Sun chësc ultimo lech ons udù truëpa Tafelenten y sun na pitla ijula a mesa l lech na colonia de Kormorane y de Graureier. L fova propi na maruëia udëi julan chi gran uciei. De utl per usservé da dalonc chisc uciei fova la gran rola (Zeiss) da meter sun statif de Kurt Aldosser.

Dochël sons muec dl viers de cësa cuntënc de avëi passà de bela ëures tla natura.

Uciei che on udù:

 

Schellente

Reiherente

Tafelente

Rostgans

Schwarzhalstaucher 

Haubentaucher

Stockente

Bläßhuhn

Schwan

Mönchsgrasmücke

Seidensänger

Blaumeise

Habicht

Nebelkrähe

Kohlamsel

Graureier

Kormoran

Lachmöve

Silbermöve

Rotkehlchen

Buchfink

Grünfink

Gebirgsstelze

Türkentaube

 

Schellente

Rostgans

Schwarzhalstaucher